Motorola Razr 5G: ಮಡಚಬಲ್ಲ ಹೊಸ ಫೋನ್ ಬಿಡುಗಡೆ ಮಾಡಿದ ಮೋಟೋರೋಲಾ

ಚೀನಾ ಮೂಲದ ಲೆನೋವೊ ಗ್ರೂಪ್‌ ಒಡೆತನದ ಸಂಸ್ಥೆ ಮೋಟೋರೋಲಾ, ನೂತನ Razr 5G ಫೋಲ್ಡಿಂಗ್ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದೆ. ಈ ಮೊದಲು ಮೋಟೋರೊಲಾ Razr ಫೋನ್ ಪರಿಚಯಿಸಲ್ಪಟ್ಟಿತ್ತು. ಈಗ ನೂತನ 5G ಸರಣಿಯ ಫೋನ್ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ.

ಹೊಸ ಮೋಟೋ ಪೋನ್‌ಗೆ ದೇಶದಲ್ಲಿ ರಿಜಿಸ್ಟ್ರೇಶನ್ ತೆರೆದಿದ್ದರೂ, ಮಾರುಕಟ್ಟೆಯಲ್ಲಿ ಯಾವಾಗ ಲಭ್ಯ ಮತ್ತು ದರ ಎಷ್ಟಿದೆ ಎಂದು ಕಂಪನಿ ಬಹಿರಂಗಪಡಿಸಿಲ್ಲ.

ಅಮೆರಿಕದಲ್ಲಿ ದರ ಎಷ್ಟಿದೆ?
ಮೋಟೋರೋಲಾ Razr ಬಿಡುಗಡೆಯಾದಾಗ 1,499 ಡಾಲರ್, ಅಂದರೆ 1,06,000 ರೂ. ದರವಿತ್ತು. ಪ್ರಸ್ತುತ Razr 5G 1,399 ಡಾಲರ್ ಬೆಲೆ ಹೊಂದಿದೆ. ಅಂದಾಜು 1,02,000 ರೂ. ಬೆಲೆ ಇದ್ದು, ಬ್ರಶ್ ಗೋಲ್ಡ್, ಪಾಲಿಶ್‌ಡ್‌ ಗ್ರಾಫೈಟ್ ಮತ್ತು ಲಿಕ್ವಿಡ್ ಮರ್ಕ್ಯುರಿ ಬಣ್ಣದಲ್ಲಿ ದೊರೆಯಲಿದೆ. 5G ಕನೆಕ್ಟಿವಿಟಿ, ಸುಧಾರಿತ ಕ್ಯಾಮರಾ, ಹೆಚ್ಚು ಬ್ಯಾಟರಿ ಸಾಮರ್ಥ್ಯ ಹೊಸ ಮೋಟೋ Razr 5G ವಿಶೇಷತೆಯಾಗಿದೆ.

ಮೋಟೋ Razr 5G
6.2 ಇಂಚಿನ ಡಿಸ್‌ಪ್ಲೇ
ಕ್ವಾಲ್ಕಂ ಸ್ನ್ಯಾಪ್‌ಡ್ರ್ಯಾಗನ್ 765G 2.3GHz ಪ್ರೊಸೆಸರ್, 8 GB RAM ಮತ್ತು 256 GB ಸ್ಟೋರೇಜ್ ಇದರಲ್ಲಿದೆ. 2800mAh ಬ್ಯಾಟರಿ ಮತ್ತು 15W ಫಾಸ್ಟ್ ಚಾರ್ಜ್ ಬೆಂಬಲ ಇದೆ. ಅಲ್ಲದೆ, 48+20 ಮೆಗಾಪಿಕ್ಸೆಲ್ ಸೆನ್ಸರ್ ಕ್ಯಾಮರಾ ಇದರಲ್ಲಿದೆ.